म्यानचेस्टर सिटीलाई हराउँदै साउथह्याम्पटन सेमिफाइनलमा

म्यानचेस्टर सिटीलाई हराउँदै साउथह्याम्पटन काराबाओ कप फुटबलको सेमिफाइनलमा प्रवेश गरेको छ ।

बुधबार राति भएको खेलमा सिटीलाई २–० ले हराउँदै साउथह्याम्पटन सेमिफाइनलमा प्रवेश गरेको हो ।

आफ्नै मैदानमा भएको खेलमा साउथह्याम्पटनलाई विजयी गराउन सिको मारा र मौसा डेनेपोले एक एक गोल गरे ।

खेलको २३ औं मिनेटमा माराले गोल गर्दै टोलीलाई अग्रता दिलाएका थिए । त्यसपछि २८ औं मिनेटमा मौसाले गोल गर्दै सिटीलाई २–० को जित दिलाए ।

जितसँगै साउथह्याम्पटनका प्रशिक्षक नाथन जोन्सले आफ्नो करियरकै ठूलो जित हात पारेका छन् ।

राति नै भएको अर्को खेलमा वुल्भरह्याम्पटन वान्डरर्सलाई पेनाल्टी सुट आउटमा हराउँदै नटिङ्घम फरेष्ट पनि सेमिफाइनलमा पुगेको छ ।

खेलको निर्धारित समयमा नटिङ्घमका विली बोली र वुल्भरह्याम्पटनका राउल हिमिनेजले गोल गरेपछि खेल १–१ गोलको बराबरीमा पुग्यो ।

पेनाल्टी सुट आउटमा नटिङ्घम फरेष्ट ४–३ ले विजयी भयो । पेनाल्टी सुट आउटमा नटिङ्घमका रेमो फ्रेउलेर, जोई वारल, मोर्गान गिब्स ह्वाइट र ज्याक कोलब्याकले गोल गरे । सोम सुरिजले गोल गर्न सकेनन् ।

वुल्भरह्याम्पटनका ड्यानियल पोडेन्स, म्याथिअस नुनेज र म्याथिअस कुन्हाले गोल गरे । रुवेन नेभेस र जोई हगले गोल गर्न सकेनन् ।

यसअघि म्यानचेस्टर युनाइटेड र न्युकासल युनाइटेड सेमिफाइनलमा पगेका थिए ।

फरेष्टले अब सेमिफाइनलमा म्यानचेस्टर युनाइटेडको सामना गर्नेछ । अर्को सेमिफाइनलमा साउथह्याम्पटन र न्युकासलबीच भिड्नेछन् ।